Tölvuöryggisfyrirtækið Syndis bauð í innflutningspartí á dögunum í tilefni af því að fyrirtækið flutti í Katrínartún 4. Á sama tíma veitti fyrirtækið verðlaun í IceCFT hakkarakeppninni. 

Syndis er leiðandi íslenskt fyrirtæki sem sérhæfir sig í tölvuöryggi fyrir íslensk og erlend fyrirtæki. Jafnframt hefur fyrirtækið þróað verkefna- og þjálfunarkerfið Adversary sem gefur forriturum og öðrum í þróun tækifæri á að fræðast, á verklegan hátt, um hættur og ógnir við netárasir og upplifa raunverulegar afleiðingar af einföldum mistökum við hugbúnaðarþróun með því að setja sig í spor hakkarans.

Mikill fjöldi gesta mætti til að fagna með Syndis eins og sjá má á meðfylgjandi myndum og voru veglegar veitingar í boði frá Veislumiðstöðinni.