„Alli ríki“ hélt tryllt Gatsby-afmæli í Iðnó

Glamúr-teiti helgarinnar var án efa haldið í Iðnó á laugardagskvöldið þegar Aðalsteinn Jóhannsson fagnaði því að hann væri orðinn fertugur. Aðalsteinn er kallaður „Alli ríki“ vegna velmegunar sinnar. 

Aðalsteinn er stærsti hluthafi fjárfestingarbankans Beringer Finance og er hann einnig stjórnarformaður félagsins. Í fertugsafmælinu var ekkert slegið af en Iðnó var skreytt í anda sögunnar The Great Gatsby. Búið var að búa til sérstaka grafík til að skreyta með og úti á gólfi voru fjaðrir í stórum vösum. Skemmtiatriðin voru ekki af verri endanum, Páll Óskar tryllti lýðinn með tónum og Ari Eldjárn kitlaði hláturtaugar. 

Afmælið var í beinni útsendingu á Instagram undir #alli40. 

• Blogga um frétt