Leikárið er hafið með fullum þunga og var gleðin við völd í Kassa Þjóðleikhússins þegar stykkið Fly Me to the Moon var frumsýnt. Anna Svava Knútsdóttir og Ólafía Hrönn Jónsdóttir fara með aðalhlutverkin í sýningunni.
Verkið fjallar um tvær kjarnakonur sem hafa alltaf þurft að hafa fyrir lífinu en standa skyndilega frammi fyrir möguleikanum að eignast svolítinn pening með auðveldum hætti. Reyndar þurfa þær að svindla smá og upphefst kostuleg atburðarás.