Rúnar Freyr Gíslason og Guðrún Jóna Stefánsdóttir mættu kampakát í Þjóðleikhúsið í gærkvöldi þegar Samþykki var frumsýnt. Verkið fjallar um framafólk (góða fólkið) í Bretlandi sem veit sko hvernig best er að lifa lífi sínu og hefur skoðanir á öllu. Í fyrstu virðist allt fullkomið en svo fer að síga á ógæfuhliðina og „góða fólkið“ þarf að spyrja sig krefjandi spurninga eins og hvenær nauðgun sé nauðgun og þar fram eftir götunum. Útkoman er nokkuð hressandi og skemmtileg.