Fjölmennt var á opnun sýningar Mireyu Samper, Vide et Plein, í Gulla Jons­dott­ir Atelier-galle­ríinu í Los Angeles.  Athafnamaðurinn Björgólfur Thor Björgólfsson mætti í sínu besta formi til þessa ásamt eiginkonu sinni Kristínu Ólafsdóttur. Í aðdraganda opnunarinnar mætti Baltasar Kormákur og Guðni Gunnarsson sem tóku þátt í að undirbúa sýninguna ásamt Gullu. En þess má geta að Baltasar og Mireya eru systkini. Faðir þeirra er myndlistamaðurinn Baltasar Samper og móðir þeirra er Kristjana Samper.  

Arkitektinn Gulla hefur lyft grettistaki í að kynna Mireyu fyrir Bandaríkjamönnum enda vel teng í heimi arkitektúrs og lista í Ameríku. Stór hluti gesta á opnun sýningarinnar voru blaðamenn. Fjölmargir fjölmiðlar hafa fjallað um sýninguna að undanförnu á La Peer hótelinu sem Gulla einmitt teiknaði. Sýningin Mireyu er á fyrstu hæð hótelsins þar Gulla Jonsdottir Atelier galleríið er staðsett. Sýn­ing­in á verk­um Mireyu verður dag­ana 26. októ­ber til 8. des­em­ber næst­kom­andi. Ef þú ert í Los Angeles þá ættir þú að kíkja við.