Ásthildur Sturludóttir bæjarstjóri á Akureyri og eiginmaður hennar, Hafþór Jónsson, sjómaður og útgerðarmaður, létu sig ekki vanta þegar Leikfélag Akureyrar frumsýndi Kabarett á dögunum.
Marta Nordal leikstýrir Kabarett en hún er einnig leikhússtjóri Leikfélags Akureyrar. Sýningin er samstarf allra sviða Menningarfélags Akureyrar, sem sagt LA, tónlistarsviðs og Menningarhússins Hofs.
Ólöf Jara Skagfjörð, Hákon Jóhannesson, Hjalti Rúnar Jónsson, Andrea Gylfadóttir, Jóhann Axel Ingólfsson og Karl Ágúst Úlfsson fara með hlutverk í sýningunni. Danshöfundur er Lee Proud og Auður Ösp er búninga- og leikmyndahönnuður.
Eins og sést á myndunum var kátt í höllinni eins og sagt er.