Kótelettukvöld Samhjálpar er haldið árlega til fjáröflunar fyrir félagið. Í ár var það haldið á Hótel Sögu og hefur stemningin sjaldan verið betri. Girnilegar kótelettur voru bornar fram með kartöflum, smjöri, grænum baunum og rauðkáli.
Forsetahjónin Eliza Read og Guðni Th. Jóhannesson voru heiðursgestir og hélt hann hjartnæma ræðu og benti á að fólk vissi aldrei hvað gerðist næst í lífi þeirra. Þess vegna væri gott að hafa hjálparsamtök eins og Samhjálp ef hann myndi sjálfur lenda í vanda.
Í ár sögðu tveir einstaklingar hvernig þau náðu að verða edrú með aðstoðar Samhjálpar. Sögur þeirra snertu við fólki enda er það kraftaverki líkast þegar fólk er nær dauða en lífi vegna neyslu en nær að koma sér á edrúbrautina.