Frumsýningargestir á Dísablóti Íslenska dansflokksins létu ekki rigninguna um helgina á sig fá og mættu spariklæddir í Borgarleikhúsið á laugardaginn. Dansflokkurinn frumsýndi tvö ný verk eftir íslensku danshöfundana Steinunni Ketilsdóttur og Ernu Ómarsdóttur. 

Fjögur ný andlit birtust á sviðinu þar sem nýlega voru haldin í inntökupróf í flokkinn. Einnig voru tveir laumufarþegar með á sviðinu ef svo má að orði komast en eins og Börn greindi frá á laugardaginn eru tveir dansarar óléttir. 

Frumsýningin var hluti af sviðslistahátíðinni SPECTACULAR sem lauk með heljarinnar partý seinna um kvöldið. Fór partýið fram á Bergson úti á Granda þar sem íslenskir og erlendir listamenn skemmtu sér fram á nótt.