Aron hélt ræðu og táraðist

Aron Einar Gunnarsson, fyrirliði íslenska landsliðsins í fótbolta, og eiginkona hans, Kristbjörg Jónasdóttir einkaþjálfari, komu sérstaklega til landsins til að kynna bókina, Aron - Sagan mín, sem kom út í síðustu viku. Í tilefni af útkomu bókarinnar var slegið upp teiti á Kornhlöðunni.

Í bókinni opnar Aron Einar sig upp á gátt en brot úr bókinni hafa ratað í fréttir á síðustu vikum og mun hún væntanlega rata í marga jólapakka fyrir þessi jólin.

Aron hélt hjartnæma ræðu fyrir gesti og táraðist þegar hann þakkaði fjölskyldu og vinum fyrir stuðninginn í gegnum árin. „Eins og þið sjáið er ég ekki mikill ræðumaður. Sem betur fer er ég bara fótboltamaður,“ sagði Aron og uppskar mikinn hlátur.

mbl.is