Fjölmennt var á aðventugleði kvenna í iðnaði sem Samtök iðnaðarins buðu til nýverið á Vox Club, Hilton Reykjavík Nordica. Ánægja var meðal kvennanna að fá tækifæri til að kynnast, spjalla og sýna drifkraftinn sem konur í iðnaði búa yfir. 

Dagskráin hófst á því að Guðrún Hafsteinsdóttir, formaður Samtaka iðnaðarins, bauð gesti velkomna. Þá flutti Katrín Jakobsdóttir forsætisráðherra ávarp. Margrét Júlíana Sigurðardóttir, framkvæmdastjóri Rosamosa, sagði frá uppbyggingu síns fyrirtækis og Katrín Pétursdóttir, forstjóri Lýsis, var með ávarp. Í lok dagskrár var boðið upp á tónlistaratriði þar sem Jóhanna Guðrún Jónsdóttir og Davíð Sigurgeirsson fluttu nokkur lög. Boðið var upp á léttar veitingar.