Það var glatt á hjalla í Þjóðleikhúsinu í gær þegar Einræðisherrann var frumsýndur. Spariklæddir frumsýningargestir létu sig ekki vanta. Einræðisherrann er meistaraverk Charlies Chaplins á leiksviði. 

Leikgerð Nikolajs Cederholms af kvikmyndinni Einræðisherranum sló rækilega í gegn hjá Nørrebro-leikhúsinu í Kaupmannahöfn á liðnu leikári, og gagnrýnendur hlóðu lofi á sýninguna! Leiksýningin er á sinn hátt óður til þessa meistaraverks Chaplins, en um leið vísar hún til samtímans, líkt og kvikmynd Chaplins gerði á sínum tíma. 

Sigga Sigurjóns er í hlutverki flækingsins sem verður einræðisherra fyrir röð mistaka. Ilmur Kristjáns, Pálmi Gests, Ólafía Hrönn, Gói, Þröstur Leó, Hallgrímur Ólafsson, Sigurður Þór og Oddur Júlíusson fara á kostum í takt við listilegar hljóðbrellur Karls Olgeirssonar píanóleikara.