Simmi Vill með kærustuna á blótið

Þorrablót Aftureldingar fór fram í íþróttahúsinu að Varmá laugardagskvöldið 26. janúar. Mosfellingar fjölmenntu að vanda á þennan stórviðburð í bæjarfélaginu. Sigmar Vilhjálmsson mætti með kærustu sinni á blótið, Elínu G. Einarsdóttur. 

Eurobandið hélt uppi stuðinu langt fram eftir nóttu eftir að gestir höfðu hámað í sig þorramat frá Kjötbúðinni. Bjartmar Guðlaugsson steig óvænt á svið og ætlaði allt um koll að keyra. 

Tríóið Kókos fékk fólk til að syngja og Þorsteinn Hallgrímsson stýrði veislunni. 

Hátt í 700 gestir mættu að Varmá í sínu fínasta pússi og enn fleiri bættust í hópinn á ballinu. 

Ljósmyndarinn Raggi Óla smellti þessum myndum við komuna á blótið.