Hópur af hárgreiðslufólki hittist í gullfallegum salarkynnum Félagsheimilis Seltjarnarness til að læra um nýjar vörur frá Davines. Hárgreiðslumeistarinn Hugrún Harðardóttir lét sig ekki vanta og mætti í svörtum leðurjakka með kögri. 

Um er að ræða svokallaða „demi-permanent“-hárliti sem dofna úr hárinu eftir 15-20 þvotta, eru uppbyggjandi fyrir hárið og gefa einstakan glans.

Hármódelin voru öll Lindy Hop-dansarar sem tóku léttan snúning í lok sýningar við lifandi tónlist. Litirnir henta vel þeim sem vilja fara mjúkum höndum um hárið sitt, hressa upp á sinn eigin lit eða draga úr sýnileika grárra hára án þess að fá leiðinlega rót.

Hárgreiðslufólk frá mörgum af flottustu stofum landsins tók inn anda Davines, fræddist um markmið fyrirtækisins að því að verða sjálfbært og hvaða leiðir eru teknar að því markmiði.