Katrín Olga Jóhannesdóttir formaður Viðskiptaráðs var eins og vorboðinn ljúfi í gulri dragt þegar Viðskiparáð hélt Viðskiptaþing á dögunum. Dragtin er frá Zara.
Yfirskrift þingsins var Skyggni nánast ekkert - Forysta í heimi óvissu. Í ár fjallaði þingið um nýjar áskoranir nútímaleiðtoga í takt við gífurlegt upplýsingaflæði og tækniframfarir. Auknar áherslur á viðskiptasiðferði, samfélagsábyrgð og sjálfbærni eru enn fremur að gjörbreyta viðskiptaháttum. Viðskiptaþing 2019 leitaðist við að greina hvernig leiðtoginn fetar farsælan veg í heimi óvissu þar sem skyggni er nánast ekkert.