Það var glatt á hjalla í Þjóðleikhúsinu þegar Jónsmessunæturdraumur, einn vinsælasti gamanleikur Shakespeares, var frumsýndur á föstudaginn. Í verkinu mætast draumur og veruleiki á heillandi hátt. Þar er líka sterkt ímyndunarafl, erótík og spenna.

Hermía og Lísander elska hvort annað út af lífinu. En Demetríus elskar líka Hermíu, og Helena elskar Demetríus. Og faðir Hermíu hótar að taka hana af lífi, ef hún giftist ekki þeim manni sem hann hefur valið henni. Ungu elskendurnir flýja út í skóg, en það er Jónsmessunótt og nú ráða töfrarnir ríkjum.

Þórarinn Eldjárn þýddi verkið sem er eldfjörugt og lokkandi. Á meðal gesta voru Arnmundur Ernst Backman sem lék hin fræga morgðingja í þáttunum sem allir eru að tala um.