Te og kaffi fagnaði 35 ára afmæli sínu á dögunum og var boðið upp á kökur, skemmtiatriði og stuð á kaffihúsinu í Kringlunni.
Fyrsta sérverslun Te og kaffi opnaði í kjallara á Barónsstíg 1984 og hefur fyrirtækið stækkað töluvert síðan þá. Mikil stemning var í afmælinu er Ragnheiður Gröndal söng og Óskar Guðjónsson flutti ljúfa tóna og boðið var upp á kaffi, te og afmælisköku.