Rapparinn Haki gaf út sína fyrstu plötu í dag. Hann fagnaði útgáfunni með hlustunarpartýi á veitingastaðnum Blackbox í gærkvöldi, en aðeins vel valdir vinir hans og kunningjar fengu að heyra plötuna sem ber nafnið OFFLINE.
Hinn 18 ára gamli Haki hefur unnið að plötunni síðustu mánuði með tónlistarmanninum Whyrun, Ými Rúnarssyni og Slaema, Sæmundi Hrafni Lindusyni. Með Haka á plötunni eru Egill Stolz, Númi og Króli. Platan er komin á Spotify og má hlusta á hana hér fyrir neðan.