Flottur hópur af hárgreiðslufólki kom saman í Hárakademíunni á dögunum til að kynnast nýrri ofurvöru frá label.m. Um er að ræða kraftmiklu næringarskotin Snapshot sem eru í boði á hárgreiðslustofum. Rannsóknir sýna að mikill meirihluti fólks nýtur hárþvottarins mest af allri upplifuninni á hárgreiðslustofum og hittir því label.m algjörlega naglann á höfuðið með þessari stofumeðferð sem lengir dekrið við vaskinn.
Eftir frábæra kynningu á Snapshot var blásið til veislu og dyrnar opnaðar fyrir gestum og gangandi. Hárgreiðslufólk fékk þá tækifæri til að spreyta sig á nýju meðferðunum og nutu gestir góðs af því og kepptust um pláss í stólunum. Dekrið hélt svo áfram hjá nemendum frá Reykjavík Makeup School sem settu punktinn yfir i-ið með léttu touch-up með NYX Professional Makeup.
Dragdrottning Íslands, Gógó Starr, mætti einnig á svæðið og sló í gegn með flutningi á laginu Snapshot með RuPaul og hárblásurum sem hún nýtti sem vindvélar til að fullkomna showið.