Björn Leifsson eigandi World Class fagnaði 60 ára afmæli sínu á Petersen svítunni í Gamla bíó á sunnudaginn. Veðrið lék við veislugesti og töfraði Jóhannes Stefánsson í Múlakaffi fram glæsilegar veitingar og svo var boðið upp á Búlluborgara. 

Björn reif sig úr að ofan í afmælisveislunni en það er vegna þess að hann fékk landsliðstreyju að gjöf og þurfti að fara í hana upp á sviði og sýna treyjuna. 

Svo kom hljómsveitin Stjórnin og spilaði fyrir afmælisgesti og þar sást glögglega að Sigga Beinteins og Grétar Örvarsson eru ennþá með alla takta á hreinu. Stjórnin gerði hreinlega allt vitlaust í boðinu og voru þau klöppuð upp aftur og aftur. Matti Matt tók líka nokkur lög við mikinn fögnuð.