Leikritið Ör var frumsýnt í Kassa Þjóðleikhússins í gærkvöldi. Í þessu verki, sem byggt er á skáldsögu Auður Övu Ólafsdóttur, er fjallað um miðaldra karla í krísu lífsins. Ólafur Egill Egilsson leikstýrir verkinu á listilegan hátt.
Stykkið fjallar um Jónas Ebeneser sem er 49 ára valdalaus, fráskilinn og gagnkynhneigður karlmaður sem hefur ekki haldið utan um bert kvenmannshold í allt of mörg ár. En hann er handlaginn og hann hefur flísalagt samtals sjö baðherbergi. Geri aðrir betur.
Með hlutverk í sýningunni fara Baldur Trausti Hreinsson, Guðrún Gísladóttir, Pálmi Gestsson, Birgitta Birgisdóttir og Hildur Vala Baldursdóttir.
Á frumsýningunni ætlaði lófaklappið aldrei að hætta og mikið var hlegið í salnum þótt þessi saga sé í raun og veru hryllilega sorgleg. Hjá 49 ára gömlum manni eru hrísgrjónin orðin fullsoðin og varla hægt að slá í gegn á þeim tímapunkti.