Nanna Kristín Magnúsdóttir framleiðir, skrifar, leikstýrir og leikur aðalhlutverkið í sjónvarpsþáttunum Pabbahelgar. Fyrstu tveir þættirnir voru frumsýndir í Bíó Paradís í gær. Nanna Kristín átti sviðið í bleikri dragt frá MSCH sem keypt var í Danmörku síðasta sumar. 

Þættirnir Pabbahelgar fjalla um 38 ára gamla þriggja barna móður sem kemst að því að eiginmaður hennar er henni ótrúr. Hú leggur ýmislegt á sig til þess að halda í kjarnafjölskylduna en því miður er ekki hægt að bjarga hjónabandinu.