Shakespeare verður ástfanginn var frumsýnt við hátíðlega athöfn í Þjóðleikhúsinu í gærkvöldi. Ekki var þverfótað fyrir ástföngnum pörum á sýningunni. Þar voru mætt Saga Sigurðardóttir ljósmyndari og myndlistarmaður með Vilhelm Anton Jónssyni listamanni. Þar voru líka hjónin Jón Jónsson og Hafdís Jónsdóttir. 

Shakespeare verður ástfanginn er nútímaleg sýning í leikstjórn Selmu Björnsdóttur. En það er Aron Mola sem leikur hinn ástfangna unga mann en með önnur hlutverk fara Lára Jóhanna Jónsdóttir, Edda Björgvinsdóttir, Stefán Hallur Stefánsson, Örn Árnason, Jóhanna Vigdís Arnardóttir, Jóhann G. Jóhannsson, Gói, Þröstur Leó Gunnarsson, Atli Rafn Sigurðsson, Björn Ingi Hilmarsson, Sigurður Sigurjónsson, Hákon Jóhannesson, Bjarni Snæbjörnsson, Hilmir Jensson, Davíð Þór Katrínarson, Þórey Birgisdóttir, Ragnheiður Steindórsdóttir, Ágúst Örn G. Wigum og Eygló Hilmarsdóttir.