Eliza Reid forsetafrú setti listahátíðina List án landamæra í Gerðubergi á laugardaginn. Listahátíðin sem leggur áherslu á list fatlaðs fólks stendur yfir til 20. október. Tilgangur hátíðarinnar er að auka menningarlegt jafnrétti og fjölbreytni með því að skapa faglegan vettvang og tækifæri fyrir fatlaða listamenn.  

Aðgerðarsinninn og listakona, Bara Halldórsdóttir, var mætt í sínu fínasta pússi en hún var með innsetningu í Gerðubergi. Fleiri þekkt andlit voru mætt í Gerðuberg og mátti meðal annars sjá sjónvarpsstjörnuna og matargagnrýnandann, Katrínu Guðrúnu Tryggvadóttur.