Óttar og Bergþóra fögnuðu afrakstrinum

Bergþóra Guðnadóttir hönnuður og eigandi Farmers Market bauð í teiti í höfuðstöðvum verslunarinnar úti á Granda í vikunni. Í boðinu var glænýtt myndband frumsýnt sem Farmers Market gerði í samstarfi við Óttar Guðnason kvikmyndatökumann en hann er líka bróðir Bergþóru. Við sama tækifæri tók Ari Magg ljósmyndir af nýjustu línu Farmers Market. Boðið var upp á léttar veitingar og notalegheit enda er Farmers Market þekkt fyrir sín hlýju og vönduðu föt sem koma okkur í gegnum verstu haustlægðirnar.