Það var mikil stemning í loftinu þegar Sambúðin var opnuð. Um er að ræða sambúð fjögurra netverslana, www.modibodi.is, www.mena.is, www.hrisla.is og www.lauuf.com.

„Hugmyndin kom þannig að við höfum oft verið saman á mörkuðum og uppákomum, vorum allar að leigja lager og skrifstofu einhvers staðar og langaði allar að vera með hefðbundna verslun til viðbótar við netverslanirnar. Fyrirkomulagið er þannig að í rýminu er sameiginleg skrifstofa og lager og svo sjálft verslunarrýmið. Við eigendurnir skiptumst síðan á að taka vaktir í búðinni,“ segir Arna Sigrún Haraldsdóttir einn af eigendum Sambúðarinnar.