Það var afar góðmennt þegar Bergur Ebbi frumsýndi fyrirlestur sinn, Skjáskot, í Borgarleikhúsinu fyrir fullum sal nú á dögunum. Er fyrirlesturinn byggður á samnefndri bók Bergs Ebba sem kom út í haust. Í fyrirlestrinum var farið um víðan völl í samskiptum manns og tækni. Fjallað var um áhrif snjallsímans á sjálfsmynd okkar og kröfur nútímans um að flokka hluti og gefa þeim umsögn og einkunnir. Þrátt fyrir á tíðum alvarleg málefni var einnig stutt í grínið enda Bergur Ebbi vanur uppistandari.