Rikki Daða og Edda Hermanns mættu með börnin

Ríkharður Daðason, eða Rikki eins og hann er kallaður, og Edda Hermannsdóttir létu sig ekki vanta þegar Eva Laufey Kjaran Hermannsdóttir bauð í útgáfuboð Vinnustofu Kjarval. Eva Laufey og Edda eru hálfsystur en faðir þeirra var Hermann Gunnarsson heitinn sem féll frá 2013.

Í eldhúsi Evu heitir þriðja matreiðslubók Evu Laufeyjar. Í henni má finna yfir hundrað uppskriftir að girnilegum réttum fyrir öll tilefni. Uppskriftirnar eru fjölbreyttar og afar aðgengilegar. Það er á allra færi að töfra þær fram. 

Matur er ekki bara matur í mínum augum heldur er hann sameiningartákn fjölskyldu og vina. Eldamennskan er eins og allt annað; ef maður sýnir henni ást og umhyggju þá er líklegt að útkoman verði stórgóð. 

Bókina prýða fallegar ljósmyndir eftir Heiðdísi Guðbjörgu Gunnarsdóttur.

mbl.is

Bloggað um fréttina