Það var glatt á hjalla þegar FKA, félag kvenna í atvinnulífinu, hélt viðurkenningarhátíð sína í Gamla bíói í gær. 

Guðbjörg Heiða Guðmundsdóttir hlaut FKA-viðurkenningu 2020 fyrir vel unnin störf í þágu atvinnureksturs kvenna eða þeim sem hafa verið konum í atvinnulífinu sérstök hvatning eða fyrirmynd. Guðbjörg Heiða var í viðtali á Smartlandi á dögunum en hún starfar sem framkvæmdastjóri Marels. 

Anna Stefánsdóttir hlaut Þakkarviðurkenningu fyrir eftirtektarvert ævistarf stjórnenda í atvinnulífinu og Þorbjörg Helga Vigfúsdóttir fékk Hvatningarviðurkenningu. 

Áslaug Arna Sigurbjörnsdóttir dómsmálaráðherra flutti erindi á hátíðinni og eins og sjá má á myndunum voru allir frekar kátir og ánægðir með lífið.