Fjörið var í hámarki á Þorrablóti Stjörnunnar sem fram fór í gærkvöldi í TM-höllinni. Bjarni Benediktsson fjármálaráðherra mætti með eiginkonu sinni, Þóru Margréti Baldvinsdóttur. Það má segja að hann hafi hitað upp fyrir stórafmælið því hann verður 50 ára á morgun.
Bræðurnir Jón Jónsson og Frikki Dór héldu uppi stuðinu ásamt Eyþóri Inga og hljómsveitinni Bandmönnum. Þar var líka Maggi diskó sem er engum líkur.
Eins og sést á þessum fantagóðu myndum ljósmyndara Smartlands var öllu til tjaldað. Allir í sínu fínasta pússi með sparibros á vör.