Myndlistarmaðurinn Laufey Johansen opnaði sýningu á verkum sínum í Kringlunni. Sýning hennar er tvískipt og sýnir hún bæði ný og eldri verk. Litríku verkin eru úr Aurora-seríunni en hin koma úr seríunni Vúlkan. 

Sum verkanna voru á sýningum í París og Milanó, en síðustu 16 mánuði hefur Laufey tekið þátt í 13 sýningum víðs vegar um heiminn. Hún var meðal annars með einkasýningu í New York og samsýningar í Spatzio Tadini Museo í Milanó, Galerie Etienne Causans í París, Metropolitan Gallery í Las Vegas Art Museum, Monaco Yacht Show, Red dot Art Basel week Miami svo eitthvað sé nefnt.

Fjölmennt var við opnunina eins og sést á myndunum.