Kvennakvöld Fáks fór fram með pomp og prakt um síðustu helgi í fagurskreyttu félagsheimili Fáks í Víðidalnum í Reykjavík. Alls voru 240 hestakonur sem skemmtu sér fram á nótt. 

Búbblur og pallíettur var þema kvöldsins og mættu konurnar í fötum sem hæfðu þemanu vel eins og sést á myndum af kvennakvöldinu. Dragdrottningarnar úr Memoirs of a Valkyrie sáu um veislustjórn og skemmtiatriði kvöldsins. Að borðhaldi loknu kom diskókóngurinn sjálfur Páll Óskar og hélt uppi trylltu stuði fram á nótt.