Það voru mjög þyrstir leikhúsgestir sem mættu í Borgarleikhúsið í gærkvöldi til að vera viðstödd frumsýningu á verkinu Oleanna með Hilmi Snæ Guðnason og Völu Kristínu Eiríksdóttur í aðalhlutverkum. Í sýningunni eru þessir tveir leikarar, sem stóðu sig með einstakri prýði. Leikstjóri er Gunnar Ingi Gunnsteinsson. 

Oleanna fjallar um unga námskonu sem kemur í einkaviðtalstíma til háskólakennara sem á von á stöðuhækkun og er að kaupa sér hús. Það sem byrjar sem sjálfsögð hjálp við námið breytist hins vegar í miskunnarlausa orrahríð og ógnvænlega atburðarás sem kollvarpar valdajafnvæginu á milli þeirra – og lífinu sjálfu í leiðinni.

Hvert er sambandið á milli valds, tungumáls og kynjamisréttis? Það er ein af þeim áleitnu spurningum sem þetta beitta og meistaralega skrifaða leikrit slær okkur út af laginu með. Verk um vald og sannleika sem lætur engan ósnortinn.