Benedikt Erlingsson leikstjóri mætti með kærustu sína, Tinnu Lind Gunnarsdóttur, á frumsýningu Nashyrninganna í gærkvöldi. Tinna Lind er leikkona og starfar í Þjóðleikhúsinu en parið hefur ekki sést mikið saman opinberlega hingað til. 

Þau voru ekki eina þekkta fólkið í Þjóðleikhúsinu, sem var þetta kvöld skipt upp í sóttvarnahólf, því fyrirferðarmesta fólkið í íslensku samfélagi þessa dagana var allt þarna saman komið. Þarna voru Kári Stefánsson, forstjóri Íslenskrar erfðagreiningar, Katrín Jakobsdóttir forsætisráðherra og Lilja Alfreðsdóttir menntamálaráðherra. Öll eiga þau það sameiginlegt að hafa verið daglega í fréttum allt síðasta ár vegna veirunnar. 

Eins og sjá má á myndunum var mikið fjör á fólki. Þakklætið skein af hverju andliti að komast loksins upp úr sófa heimilisins og sjá raunverulegt fólk í þessu virta og fallega menningarhúsi sem Þjóðleikhúsið er.