Fjölmiðlamaðurinn Egill Helgason hlaut riddaranafnbót frá Frakklandi í gær. Orðan nefnist Ordre national du mérite.
Í morgun mætti Egill í morgunkaffi á Kaffifélagið við Skólavörðustíg og var með orðuna meðferðis. Kaffifélagar Egils dáðust að orðunni enda er hún fögur; blá og gyllt og sómir sér vel við hvaða klæðnað sem er.
Egill hafði orð á því að hann væri hégómlegur að mæta með orðuna en kaffifélögum Egils fannst hann bara krúttlegur enda ekki á hverjum degi sem hægt er að klappa slíkum grip.