Árelía Eydís Guðmundsdóttir, rithöfundur og dósent við Háskóla Íslands, mætti í fallegum kjól í útgáfuboðið þar sem hún kynnti skáldsöguna Slétt og brugðið. Viðtökurnar hafa verið góðar við bókinni sem fjallar um sex konur sem hafa í fjöldamörg ár hist í saumaklúbbi en ákveða að gera eitthvað allt annað saman en þær eru vanar. 

Konurnar, sem standa flestar á krossgötum, finna þann styrk sem konur búa yfir og mátt þeirrar vináttu sem þær eiga saman.

Ef marka má mætinguna í útgáfuboðið eru Íslendingar frelsinu fegnir. Það var fullt út úr dyrum eins og myndirnar sýna og gestirnir á öllum aldri.