Jón Ólafsson, stjórnarformaður Icelandic Glacial, bauð í grillpartí þegar fyrirtækið fagnaði sumrinu í liðinni viku. Veislan fór fram í bakgarðinum á Dillon við Laugaveg þar sem hljómsveit kom fram á sviði og gestir gæddu sér á góðum mat. 

Veislan er árleg og auðvitað var boðið upp á íslenskt vatn en Icelandic Glacial hefur meðal annars verið í boði á stórviðburðum á borð við Golden Globe-verðlaunahátíðina í Bandaríkjunum. 

Hljómsveitina skipuðu gítarleikararnir Björn Thoroddsen og Friðrik Karlsson. Trommuleikarinn Skúli Gíslason og Sigurgeir Skafti Flosason á bassa. Jónas R. Jónsson, Ari Jónsson, Unnur Birna og Gréta Karen voru meðal söngvara.