Það var líf og fjör á Hafnartorgi í gær þegar íslenska líftæknifyrirtækið Bioeffect kynnti nýtt andlitskrem. Um er að ræða byltingarkennt krem sem eru í raun EGF húðdropar í kremformi. Þetta er í fyrsta skipti sem Bioeffect býður upp á slíkt. Kremið er einstakt á svo margan hátt og hentar sérlega vel fyrir 35 ára og eldri.

Dorrit Moussaieff fyrrverandi forsetafrú lagði leið sína í miðbæinn en hún er mikill aðdáandi EGF og hefur verið óformlegur kynnir vörunnar erlendis síðan fyrsta varan kom á markað fyrir rúmlega áratug. Hún var þó ekki eina drottningin á svæðinu því þar var líka Brynja Nordquist fyrrverandi flugfreyja, Aníta Briem leikkona, Ragna Árnadóttir skrifstofustjóri Alþingis og auðvitað forstjóri fyrirtækisins, Liv Bergþórsdóttir. 

Plötusnúðurinn Dóra Júlía spilaði í teitinu og boðið var upp á búbblur, súkkulaðihúðuð jarðarber og makkarónukökur. Auk þess gátu gestir farið í húðgreiningu og komist að því hvernig ástand húðarinnar væri raunverulega! 

Eins og sést á myndunum var einstök stemning enda landsmenn nokkuð partýþyrstir eftir töluverðan partýþurrk.