Rithöfundurinn Auður Jónsdóttir var að gefa frá sér splunkunýja bók, Allir fuglar fljúga í ljósið, og var útkomu bókarinnar fagnað á Loft hosteli á föstudaginn. Auður er vinmörg og skemmtileg og hafa bækur hennar hlotið mikið lof. 

Í þessari bók segir Auður sögu Bjartar sem er ráfari. Hún er í stopulli íhlaupavinnu en aðallega fer hún á milli staða í Reykjavík, fylgist með fólki og skráir það hjá sér. Hún býr í leiguherbergi með öðru fólki sem er statt á svipuðum stað og hún sjálf.

Eins og sést á myndunum var margt skemmtilegt fólk samankomið í boðinu. Þar voru til dæmis Katrín Jakobsdóttir forsætisráðherra, Kamilla Einarsdóttir rithöfundur og leikstjórinn Gagga Jónsdóttir, systir Auðar.