Það var margt um manninn á Iðnþingi sem fram fór í Silfurbergi í Hörpu síðasta fimmtudag. Fjölmargir aðilar úr atvinnulífinu voru mættir en þar á meðal voru Halldór Benjamín Þorbergsson framkvæmdastjóri Samtaka atvinnulífsins og Sveinnn Sölvason verðandi forstjóri Össurar. Þeir voru báðir sérlega vel klæddir og fínir í tauinu. 

Græn iðnbylting á Íslandi var yfirskrift þingsins. Á þinginu var rætt um græna nýsköpun og fjárfestingu, græna framleiðslu, græna mannvirkjagerð, græna orku og græna framtíð. Samtök iðnaðarins hafa efnt til Árs grænnar iðnbyltingar og ætlar íslenskur iðnaður ekki að láta sitt eftir liggja í loftslagsmálum enda til mikils að vinna fyrir umhverfið og samfélagið allt.