Sunneva og Benedikt í essinu sínu

Áhrifavaldurinn Sunneva Eir Einarsdóttir bauð í brúnkukremsteiti í heildsölunni bpro í gær. Hún skartar ávallt gylltum húðlit sem kemur úr brúsum frá Marc Inbane og er sérfræðingur að bera efnið á húðina án þess að líta út eins og sebrahestur. 

Vinir og fjölskylda Sunnevu Eirar mætti til að fagna með henni en þar á meðal var móðir hennar, Guðrún Helga Harðardóttir, og tengdamóðir, Þóra Margrét Baldvinsdóttir innanhússráðgjafi. 

Eins og sjá má á myndunum var fjörið í forgrunni enda boðið upp á gómsætar veitingar, gjafapoka og góð ráð.