Sólveig Pétursdóttir fyrrverandi dóms-og kirkjumálaráðherra fagnaði 70 ára afmæli sínu í Gamla bíói á dögunum. Svanhildur Hólm Valsdóttir og Sólveig Hannesdóttir voru veislustjórar í afmælinu. Sú síðarnefnda er bróðurdóttur Sólveigar Pétursdóttur en sú fyrrnefnda vinkona til margra ára. 

Vinir Sólveigar héldu skemmtilegar ræður í afmælisveislunni eins og til dæmis vinkonur hennar úr lagadeild Háskóla Íslands og Bjarni Benediktsson fjármálaráðherra. 

Sólveig afþakkaði afmælisgjafir og var gestum bent á að styrkja Mæðrastyrksnefnd í staðinn. Einnig lögðu gestir inn á söfnunarreikning fyrir fatlað fólk í Úkraínu og til Rauða krossins. 

Í afmælisveislunni voru ýmis skemmtiatriði en vinkonur Sólveigar færðu henni söngatriði með Katrínu Halldóru og svo kom Bryndís Ásmundsdóttir leik-og söngkona og flutti lög Tinu Turner. 

Kvöldið endaði með því að Daddi diskó tók yfir tónlistina og sá til þess að engum leiddist.