Það var mikil stemning í Gamla bíó þegar Lúðurinn, Íslensku auglýsingaverðlaunin, fóru fram á dögunum. Auglýsingastofan Brandenburg hlaut fjóra Lúðra á hátíðinni og voru þau alsæl með árangurinn. 

„Við erum virki­lega ánægð með ár­ang­ur­inn. Við leggj­um mikið upp úr ár­ang­urs­drif­inni hug­mynda­vinnu og það er gam­an að upp­skera eft­ir því,“ seg­ir Sig­ríður Theó­dóra Pét­urs­dótt­ir fram­kvæmda­stjóri Brand­en­burg­ar í til­kynn­ingu frá ÍMARK, sam­tök­um aug­lýs­inga­fólks, sem stend­ur fyr­ir af­hend­ing­unni.

Eins og sjá má á myndunum kann fólk í auglýsingageiranum að skemmta sér og gera sér glaðan dag. Þar á meðal var Anna Fríða Gísladóttir nýráðinn markaðsstjóri flugfélagsins Play og Katrín Aagestad Gunnarsdóttir markaðsstjóri Nova. Hatarinn, Matthías Tryggvi Haraldsson, var líka mættur en hann réð sig nýlega til Brandenburg.