Það ríkti einstök stemning í versluninni Andrá Reykjavík sem er við Laugaveg þegar verslunin tók inn nýjar vörur frá Saks Potts og Stella McCartney swim & lingerie. Saks Potts er danskt merki sem er hannað af vinkonunum Barbara Potts og Cathrine Saks. Þær hanna vandræðalega flottar yfirhafnir og er hönnun þeirra innblásin af lífsstíl Kaupmannahafnarbúa. 

Það þarf ekki að kynna Stella McCartney sérstaklega en fyrir þá sem ekki þekkja hana þá er hún einn af fremstu hönnuðum bretlands og dóttir Paul McCartney úr Bítlunum. 

Á meðan gestir fengu sér hressingu og mátuðu nýjustu tísku sá DJ Kjörk til þess að engum leiddist.