Það var ekki þverfótað fyrir spariklæddu fólki í essinu sínu á árshátíð Árvakurs. Árshátíðin var haldin á Sjálandi í Garðabæ. 

Skemmtikrafturinn Eva Ruza var veislustjóri kvöldsins og svo kom Jakob Birgisson og var með uppistand. Kvöldið endaði svo á því að glimmerstjarnan Páll Óskar kom og skemmti gestum fram á nótt. 

Boðið var upp á gómsætan mat og hressandi drykki en eins og sjá má á myndunum vinna engir leiðindapúkar hjá Árvakri sem er útgáfufélag Morgunblaðsins, mbl.is, K100 og Eddu útgáfu.