Það var góð stemning á golfvellinum í Borgarnesi þegar hið árlega Opna Wok On golfmótinu fór fram í þriðja sinn. Tugir keppanda mættu til leiks en þar á meðal voru nokkrar stórstjörnur eins og Gunnar Nelson bardagamaður. Hann sýndi á sér aðrar hliðar en hann er nokkuð góður í golfi. Wok On er asískur veitingastaður sem hefur notið töluverðra vinsælda hérlendis. 

Að móti loknu skemmtu bræðurnir úr Hafnarfirði, Friðrik Dór Jónsson og Jón Ragnar Jónsson gestum ásamt Kópavogsbúanum Herra Hnetusmjöri. Vegleg verðlaun voru veitt fyrir verðlaunasæti eins og gistingu á Hótel Hamri og Gróðurhúsinu, golfkylfur frá Erninum, inneign í Laugar Spa og veitingar hjá Wok On. 

Keppnisfyrirkomulag var þannig að tveir voru saman í liði og voru veitt verðlaun fyrir efstu þrjú sætin, nándarverðlaun og lengsta drive.

1. sæti

Davíð Jóhannesson og Óliver Adam Kristjánsson. 

2. sæti 

Svenný Sif Rúnarsdóttir og Anna Sóley Birgisdóttir. 

3. sæti

Jóhann Sölvi Júlíusson og Victor Snær Sigurðsson.