Selma Ragnarsdóttir klæðskeri og kjólameistari fagnaði 50 ára afmæli sínu í Petersen svítunni í Gamla bíó um síðustu helgi. Sólin skein og staðurinn var fullur út úr dyrum enda er Selma vinamörg og skemmtileg.
Sigga Kling, Dj Margeir, Svala Björgvinsdóttir og Stefanía Svavarsdóttir skemmtu í afmælisveislunni. Ásthildur Ragnarsdóttir sem er 19 ára systir Selmu spilaði á fiðlu og svo mætti Helga Braga Jónsdóttir í hlutverki Gyðu Sólar sem sló í gegn í Fóstbræðrum á sínum tíma.
Gestirnir í veislunni voru sérlega vel til fara en margir af þeim mættu í sérsaumuðum fatnaði sem Selma hefur hannað og saumað á þá í gegnum tíðina. Auk þess voru gínur í veislunni sem voru klæddar í fatnað eftir Selmu.
Boðið var upp á girnilegar veitingar í föstu og fljótlandi formi.