Sigríður Víðis Jónsdóttir fagnaði útkomu bókar sinnar Vegabréf: Íslenskt í Máli og menningu á þriðjudaginn. Bókin er hennar önnur bók en fyrir ellefu árum kom hennar fyrsta bók út Ríkisfang ekkert sem til­nefnd til Íslensku bók­mennta­verðlaun­anna og Fjöru­verðlaun­anna, auk þess sem hún hlaut viður­kenn­ingu Hagþenk­is.

Í nýju bókinni fjallar hún um tímann og þær breytingar sem orðið hafa á heiminum. Í bókinni segir hún frá ferðalögum sínum allt frá Af­gan­ist­an til Búrkína Fasó, til Íslands­ferðalaga í heims­far­aldr­in­um.

„Mig hafði lengi langað að skrifa bók­ina sem var að koma út. Það æxlaðist hins veg­ar þannig að efnið í síðustu bók kom óvænt upp í hend­urn­ar á mér þegar hóp­ur magnaðra kvenna flutti í gamla bæ­inn minn, Akra­nes, og tengdi sam­an Palestínu, Írak og Ísland á ein­stak­an hátt. Ég sökkti mér því ofan í það efni og úr varð bók­in Rík­is­fang: Ekk­ert,“ seg­ir Sig­ríður.