Bláa Lónið fagnaði nú á dögunum nýrri viðbót, BL+ The Cream, við BL+ húðvörulínuna sem kom á markað árið 2021 og hlotið hefur frábærar viðtökur bæði innanlands og á erlendum mörkuðum. Teitið fór fram í verslun Bláa Lónsins við Laugaveg og spilaði GDNR fyrir veislugesti.  

Það var ekki þverfótað fyrir glæsilegum konum í boðinu en þar var líka Kári Sverriss ljósmyndari sem myndaði herferðina fyrir Bláa Lónið en Inga Eiríksdóttir er andlit hennar. 

BL+ húðvörulínan inniheldur BL+ COMPLEX sem er afrakstur 30 ára rannsóknarvinnu á einstökum jarðsjó Bláa Lónsins sem á uppruna sinn á 2.000 metra dýpi á jarðhitasvæðinu í Svartsengi á Reykjanesi. Jarðsjórinn er dýrmæt uppspretta steinefna sem endurnæra húðina.