Þættirnir Matarboð voru frumsýndir á veitingastaðnum Ráðagerði á Seltjarnarnesi fyrr í vikunni. Matgæðingar landsins flykktust til að fagna með matreiðslumanninum Davíð Erni Hákonarsyni. Í þáttunum ferðast Davíð til ólíkra landa, kynnist matarmenningu þeirra undir leiðsögn góðra vina og saman matreiða þeir úr því allra besta hráefni sem hver og einn staður hefur upp á að bjóða. 

Þættirnir eru sýndir í Sjónvarpi Símans á fimmtudögum en öll þáttaröðin er nú þegar komin í Sjónvarp Símans Premium.