Það var allt fljótandi í kampavíni á Hnoss í Hörpu á fimmtudaginn þegar nýju kampavíni var fagnað. Þar var hulunni svipt af nýju kampavíni sem Kampavínsfjelagið og Hnoss hafa skapað í samstarfi við Piper-Heidsieck og Emilien Boutillat, kjallarameistara þess. Stefán Einar Stefánsson eigandi Kampavínsfjelagsins var alsæll enda ekki annað hægt þar sem nýja kampavíninu var fagnað á hans eigin afmælisdegi. 

Að kynningu lokinni borðaði hluti af hópnum á Hnoss þar sem Fanney Dóra og félagar voru búin að para saman kampavín við ljúffenga rétti. 

Eins og sést á myndunum fúlsaði enginn við þessu dýrindis kampavíni sem rann ljúflega niður.